19/8/15

I xornada de xogos populares de Chan de Brito

O vindeiro sábado dia 29 de agosto realizarase a primeira xornada demostrativa de xogos populares tradicionais de Galicia en Chan de Brito.

Esta actividade gratuíta, que comezará ás 17.30 h. cunha duración aproximada de tres horas, terá lugar no torreiro vello da igrexa desta parroquia e está organizada pola Concellería de Cultura e a Asociación Chandebrito 1807.

Esta Asociación, dentro da súa pretensión de conservar e poñer en valor o noso patrimonio cultural, tomou esta iniciativa co obxectivo de que a veciñanza e o público en xeral coñeza, valore e recupere os xogos "de toda a vida", ofrecendo unha sana alternativa de ocio e tempo libre e coa intención de fomentar as relacións sociais entre as persoas.