O pasado 20 de agosto mantivemos xuntanza co concelleiro de medio ambiente e urbanismo do concello de Nigrán.
Nesta entrevista expuséronselle diversos asuntos de interese da parroquia de Chan de Brito, que o edil se comprometeu a estudar e tratar de poñer en marcha:
- Posta en valor do muíño de auga de arriba de Rodas e da súa contorna.
- Catalogación de 38 bens culturais inventariados por esta Agrupación e posta en valor de algúns deles.
- Aprobación do Plan Xeral de Ordenación Municipal recollendo as alegacións desta Asociación, corrixindo diversos erros, ampliando núcleos rurais, e promovendo un crecemento ordenado de vivendas. Tamén se lle pediu que se convoque a Asemblea do Consello Sectorial do PXOM, donde están representadas todas as Asociacións do municipio.
- Inclusión de catro viais no inventario de camiños públicos e corrección de 58 erros detectados por nós no actual inventario municipal.
- Colaboración en actuacións de mellora do muíño dos Matos, sendeiro e a súa contorna.
- Reparación de viais públicos: Parte urbana da Estrada de Chan de Brito, Camiño da Lapela.
- Melloras no transporte público por estrada, prolongando o servizo do bus urbano que chega ata Fragoselo para que dea cobertura á parroquia, e co uso efectivo do transporte escolar, para o que esta Asociación presentou enquisas realizadas a máis do 10 % da poboación de Chan de Brito no Concello e en Vitrasa.
- Ensanche e mellora da estrada de Pracíns.
- Diversas reparacións na escola infantil e contorna.
- Limpeza de fincas con maleza.
