Actuacións para a protección do patrimonio cultural

Esta Asociacion ven de instalar diversa carteleria en madeira e chapa para sinalizar diversos bens culturais da parroquia, tales como os petroglifos e muiños rupestres situados na Chan das Tomadas, as Ventaniñas, na Presa dos Soldados, O Piñeiro, e A Cañoteira, entre outros.

Nas proximas datas tamen está prevista a instalacion de placas graniticas en varios lugares, indicadoras de catorce toponimos tradicionais.

Por outra banda, vai insistir en que se recollan no Plan Xeral de Ordenacion Municipal de Nigran todos os bens q inventariou este colectivo, algo que a Xunta de Galicia exixiu en varias ocasions ao Concello de Nigran, xa que no borrador do citado documento do PXOM non se incluiron mais que unha parte dos mencionados elementos obxecto de proteccion.

Deste xeito, esta Agrupacion, con mais de dez anos de antigüidade, segue apostando pola recuperacion, conservacion, divulgacion e posta en valor de todo o patrimonio cultural de Chandebrito.

Un dos paneis colocados xunto ao petroglifo da Chan das Tomadas.

Solicitude instalación fibra óptica

Esta Asociacion, recibiu suxestions da veciñanza da parroquia de Chan de Brito sobre a dotacion de fibra optica na zona.

O Concello de Nigrán ven de anunciar a xestion coas diferentes teleoperadoras da implantación de fibra óptica nas zonas con peor cobertura de internet co obxectivo de que a finais de 2019 sexa unha realidade en todo o municipio. Actualmente estanse a realizar obras de instalación nalgunhas zonas costeiras do municipio, e a maiores, o Concello agarda que o seguinte núcleo con fibra sexa Camos a través da rúa San Roque, xa que nas obras de humanización foi dotada de canalización subterránea, punto que xa está sendo analizado por varios operadores.

Asi mesmo, desde ese goberno afirmase que "estan a traballar coas teleoperadoras co obxectivo de priorizar os núcleos do municipio con peor cobertura, no caso de Nigrán é urxente que chegue ao interior, onde a conexión é en moitos casos pésima”.

Por outra banda, anunciouse a proxima existencia doutra liña de subvencións a nivel autonómico este ano, e que dende o Concello xa se están mantendo reunións de traballo coas empresas operadoras para intentar chegar as zonas que aínda quedan sen fibra.

Esta Agrupacion comparte a idea de que as administracions teñen a obriga de rachar coa fenda tecnolóxica que existe entre o urbano e o rural. Hoxe en día internet é case imprescindible e ten fortes vantaxes para realizar moitos tramites administrativos e outras xestions necesarias da vida cotiá.

Por todo o exposto, e tendo en conta as carencias do lugar en materia de comunicacions ; esta Asociación solicitou hai varios dias que se fagan as xestions oportunas para dotar de fibra óptica a parroquia de Chan de Brito en breve, o que beneficiaria a medio milleiro de habitantes.