Asociación Chandebrito 1807

O concello olvidase de Chandebrito

2009-11-18T20:18:00.001+01:00

Visto o anuncio público realizado polo Concello de Nigrán a finais do pasado mes de outubro en relación ás obras a realizar con cargo ao novo da Deputación de Pontevedra, que adxudica ao municipio algo máis de un millón de euros ata o ano 2011, confírmanse as sospeitas da Asociación “Chandebrito 1807” en relación á non inclusión polo goberno municipal das obras de mellora do Camiño da Lapela -conexión entre Chandebrito e Valadares- nin ningunha outra obra necesaria na parroquia de Chandebrito a través do citado Plan

Consideramos un engaño aos veciños/as o comunicado realizado polo Concello o 31 de outubro nalgún medio de comunicación, no que se informa de que a través do Plan mencionado se pavimentarán viais en tódalas parroquias ademáis das obras da rede xeral de sumidoiros nesta parroquia, cando a realidade é que non se valorou ningunha obra en Chandebrito e en canto a segunda fase do saneamento execútase na actualidade por parte da Consellería de Política Territorial da Xunta; polo que existe un agravio comparativo.

Entendemos desde esta Asociación que a mellora do vial a Valadares é unha das obras consideradas máis necesarias na parroquia de Chandebrito e das máis demandadas polos veciños/as, polo que en moitas ocasións esta Asociación solicitou ao Concello que se fixesen as xestións oportunas para acondicionar o vial; pero polo visto algúns membros do goberno municipal prefiren invertir cartos públicos en acondicionar torreiros de festas, que incluso nin son públicos nin dos veciños, como é o caso do da Ramallosa. Creemos que as prioridades deben centrarse na realización de obras de acceso aos núcleos de poboación e comunicación entre municipios, algo ao que están obrigados os concellos.

Creemos ademáis que é lamentable que o grupo municipal socialista non pense para nada nas demandas históricas nin sexa consecuente co que di, xa que presentou unha moción no pleno do 28/12/2004 co fin de realizar esta obra, polo que non é lóxico que agora non atendan esta proposta, algo que beneficiaría a todos, ao tratarse dun vial que comunica dous municipios.

Tamen se pode leer na Voz de Galicia

II xornadas micolóxicas de Chandebrito

2009-11-18T20:06:00.005+01:00

O vindeiro domingo dia 22 de novembro está prevista a II xornada micoloxica de Chandebrito, sempre que o tempo o permita, para a recollida e identificación de cogumelos na que nos guiará, ao igual que o ano pasado, Jose Luis Tomé, membro da Federación Galega de Micoloxía.

- Data: domingo 22 de novembro

- Hora: 10:00 da mañá

- Lugar: Colexio Estudio - Chandebrito (Nigrán)

Roteiro historico de Chandebrito

2009-05-22T22:17:00.008+02:00

O vindeiro domingo día 24 de maio terá lugar un roteiro circular pola parroquia de Chandebrito que partirá ás 10:45 h. e durará aproximadamente 3 horas, con saída e chegada no monte dos Cruceiros e do Castro, visitando os muíños do Castro e de Rodas e os petroglifos do Soeido, Rabete e Rapadouro, entre outros.

A ruta, organizada pola Asociación "Chandebrito 1807", será guiada por Afonso Rodríguez, coautor do libro "Historia de Chandebrito", entre outras publicacións, e Carlos Gómez, membro desta Asociación e autor de diversos artigos sobre a parroquia.

Pulsar para descargar o tríptico

Deseñouse un roteiro especial co fin de contribuír á divulgación do patrimonio do lugar, que abarca todo tipo de bens do patrimonio cultural e natural existentes na parroquia (hórreos, lavadoiros, muíños de auga, castro, petroglifos, muíños rupestres, camiños medievais empedrados, igrexa e rectoral, fragas, etc.), algúns dos cales están aínda sen inventariar por parte da administración, algo que ven demandando esta Asociación dende hai xa tempo. Ademais, conta con paneis interpretativos e demais mobiliario instalado na zona a través do Proxecto de "Revalorización integral do patrimonio de Chandebrito", financiado con fondos Proder da Unión Europea.

Queima de pneumáticos

2009-05-14T22:06:00.010+02:00

Veciños de Chandebrito descubriron fai uns días que unha vertedura de centos de pneumáticos localizados nas Chans de Rapadouro que foran recollidos recentemente pola Comunidade de Montes desta parroquia acabaron sendo incinerados no "Outeiro do Ganador" (situado detrás do Colexio Estudio ), no monte da Comunidade, na noite do mércores 29 ao xoves día 30 de abril, co conseguinte perigo por risco de incendio forestal e o dano irreversible para a fauna e a flora do lugar, así como o producido á atmosfera.

Ademais, obsérvase que para o transporte, depósito e queima dos pneumáticos movéronse algunhas pedras de grandes dimensións que colocara hai moitos anos a Comunidade de Montes na entrada do outeiro e que se incineraron no citado lugar pola noite para que ninguén se decatase do sucedido.

Estes feitos puxéronse inmediatamente en coñecemento da Concellería de Medio Ambiente do Concello de Nigrán, da Comunidade de Montes e do axente forestal da Consellería do Medio Rural, para que se investigue o asunto e se depuren as responsabilidades ás que haxa lugar, sen descartar a posibilidade de emprender accións legais contra este brutal atentado ao medio ambiente.

Tamén se pode ler a nova na Voz de Galicia e no Faro de Vigo

Recuperación dos petroglifos esquecidos

2009-05-04T22:57:00.011+02:00

A Asociación Veciñal e Cultural “Chandebrito 1807” está actualmente promovendo con voluntariado a conservación e posta en valor da maioría dos petroglifos e muíños rupestres da parroquia de Chandebrito esquecidos no proxecto de actuacións de mellora a través do Proxecto de Revalorización do Patrimonio Cultural de Chandebrito promovido polo Concello de Nigrán e subvencionado con fondos do Programa Proder. Con esta acción de conservación e difusión tratamos de que algún dos melloras petroglifos da parroquia non quede no total abandono, mentres outros están a acaparar todo o protagonismo.

Petroglifo da Cañoteira I, antes da limpeza

Para isto, xa se procedeu en datas recentes por parte de persoas voluntarias a acondicionar o acceso e o entorno dos petroglifos de “A de Rial” e dos grupos de muíños rupestres localizados na “Cañoteira” e en breve colocarase cartelería e farase o mesmo co petroglifo da Gabacha e dos muíños de “Casa de Couso” e “As Mazarocas” (ambos no barrio da Igrexa). Nos próximos días tamén se intentara colgar no blog as características e localización de cada un deles.

Petroglifo da Cañoteira I, despois da limpeza

Outras actuacións que pretende levar a cabo esta Asociación no campo da difusión do patrimonio cultural da parroquia é a de realizar actividades similares para a mellora dalgún dos muíños de auga, a elaboración de folletos do roteiro histórico-etnográfico e do sendeiro dos Matos para as visitas guiadas e a publicación dun traballo sobre a microtoponimia de Chandebrito, para o que xa se recolleron uns 650 nomes de lugares, dos cales a metade xa están localizados.

Petroglifo da Cañoteira II, antes da limpeza

Esta Asociación considera que a difusión e a educación é a mellor maneira de preservar estes bens culturais para que o poidan gozar as xeracións futuras.

Petroglifo da Cañoteira II, despois da limpeza

Tamén se pode ler a nova na Voz de Galicia

Chandebrito entra na ruta de excursións de cruceristas

2009-05-04T22:37:00.002+02:00

Máis de 200 cruceristas elixiron a parroquia de Chandebrito para facer turismo nas excursións ás que se apuntan nada máis desembarcar no porto de Vigo desde o pasado mes de marzo.

Continua na Voz de Galicia

A fiscal acusa a 40 veciños por intimidar a unha familia

2009-03-28T22:09:00.001+01:00

Preto de 40 veciños de Chandebrito están acusados de presuntos delitos de desordes públicas, atentado e coaccións. Son as persoas que lograron ser identificadas polos altercados que padeceu no ano 2001 unha familia que reside nesta parroquia de Nigrán.

Continua na Voz de Galicia

Os parrocos de Chandebrito

2009-03-15T17:39:00.002+01:00

Buscando información relativa a parroquia fai uns días que dende a asociación vimos de coñecer os párrocos que tivo Chandebrito dende o ano 1898 ata a actualidade, polo que para todos aqueles que estean interesados, deixamos a relación:

03/02/1898 – 05/11/1898 Maximiliano Novoa

14/01/1899 – 23/09/1899 Juan Barros Fernández

12/01/1901 – 10/02/1902 Juan Silva Gora

20/09/1902 – 30/09/1905 Severino Martinez Martinez

27/01/1906 – 06/05/1911 Apolinar Espinosa Baladran

18/02/1912 – 02/11/1921 Manuel Rouco Giraldez

08/04/1922 – 21/03/1931 Jose Estevez Boullosa

08/02/1930 – 27/12/1941 Manuel Rouco Giraldez

11/01/1942 – 21/09/1945 Constantino Martinez Franco

15/09/1946 – 27/10/1946 Jesus Domínguez Cambra

17/11/1946 – 27/10/1946 Claudio Rodal Fandiño

05/04/1954 – 20/12/1972 Juan Cabaleiro Martinez

18/03/1973 – 01/11/1973 Anselmo González Quintas

31/03/1974 – 24/05/1987 Antonio Guerreiro Roda

07/02/1988 – 04/01/2004 Manuel Pereira Francisco

01/02/2004 – 11/07/2004 Emilio González Outarelo

01/05/2005 – Actual Santiago Vega Lopez

Limpeza das pistas forestais

2009-03-11T20:49:00.004+01:00

Con motivo da solicitude presentada por esta Asociación á Consellería do Medio Rural da Xunta, para a limpeza das marxe das pistas forestais pola seguridade das persoas que transitan por eles e para organizar mellor o combate do lume, publicado no blog o día 14/11/2008, estes días procedeuse o roce das marxes de diversas pistas forestais de Chandebrito (Chans de Rapadouro, Pista ao Parque Forestal de Vilar- Camos, Lapela, Ventaniñas- Presa dos Soldados, etc.).

Antes

Despois

Xa que estaban nun estado lamentable e causaban risco de incendios, a recente limpeza deixas cun bo estado, facilitando a visibilidade e evitando que se propaguen os lumes no caso de posibles incendios"

Banco do tempo

2009-03-02T20:16:00.005+01:00

O pasado día 26 de febreiro celebrouse no centro antena de Nigrán a través da consellería de Promoción de emprego unha charla coas Axentes de Tempo da MAIV (Mancomunidade da Área Intermunicipal de Vigo), para implantación dun banco do tempo no concello.

O banco do tempo e un sistema de participación social no que se intercambian servicios, sen que haxa cartos de por medio e sendo a unidade de intercambio a hora. O seu funcionamento consiste en que unha persoa deposita unhas horas de tempo ofertando un servicio que desexa dar e, a cambio, pode solicitar tempo doutras persoas para resolver necesidades e actividades da vida cotía. No banco do tempo pódense intercambia dende axuda no fogar, reparacións, educación, artesanía, benestar, acompañamento, ocio,....etc.

Por tanto dende a asociación queremos dar a máxima difusión a esta actividade pois consideramos que e un servicio para acercar as persoas e desenrolar na práctica valores de cooperación e solidariedade algo que xa facían os nosos maiores e que fomos perdendo polo que a xente da parroquia e demais que nos sigan no blog e que estean interesados poden dirixirse o centro antena de Nigrán (Rúa Otero Pedraio, nº 52. Tfno.: 986366572) preguntando por Ra,i no seguinte horario 10:00 a 14:30 e 18:00 a 21:00 sábados incluídos, ou pórse en contacto por correo electrónico centroantena@nigran.org

Empezou o curso de cesteria

2009-02-25T20:16:00.006+01:00

Dende o pasado día 7 do presente mes que deron comezo as clases de cestería organizadas pola asociación, xa se van notando os pequenos pero constantes progresos gracias a labor do mestre cesteiro Don Manuel Gomez, o que temos que agradecerlle a súa interese por ensinar a todos aqueles interesados que descoñecemos unha forma de artesanía, vida e cultura que o home elaborou dende os albores da humanidade, pois a cestería incluso e anterior a cerámica, arte que con moi poucas modificacións durante milenios, demostra que a idea primixenia e a súa realización foron perfectas dende un principio, cousa que raras veces se consigue.

Os oito alumnos habituais e algún mais esporádico ímonos facendo coa técnica consistente no trenzado ou entrecruzado dos materiais empregados, coas súas diversas variantes, espalladas por toda Galicia, o que constitúe unha riqueza moi grande en canto á cestería se refire. Os materiais empregados son naturais e van dende os silvestres de monte baixo e ribeira, tales como: canas, xunco, vimbio, etc., ata ás distintas especies de árbores da nosa vexetación, sendo o castiñeiro, o carballo, o salgueiro e o bidueiro os máis empregados, aínda que o vimbio e o mais representativo e o empregado por nos no curso.

Non cabe dúbida, por tanto que os cesteiros, ó igual que outros oficios practicados en Galicia por desgracia esmorecen a causa dos avances das novas técnicas e do tan gabado progreso, asistindo á transformación das artes, oficios, tradicións e calquera tipo de manifestación da nosa cultura, polo que con este tipo de curso tratamos de manter viva a tradición e cultura levada a cabo durante milleiros de anos polos nosos antepasados, non podendo permitir que se perda.

Para rematar deixamos un refrán popular sobre os cesteiros:

O que fai un cesto fai cento se lle dan vergas e tempo.

Exito de participación da peque ruta

2009-02-19T20:55:00.009+01:00

Este Domingo celebrouse a Peque ruta organizada pola asociación cultural O Coto e coa colaboración da nosa asociación, converténdose nun éxito de participación en parte polo bo tempo que tivemos e por outro lado gracias a gran organización da asociación O Coto, pois acadamos as 92 persoas dispostas a coñecer as paraxes naturais e os elementos patrimoniais cos que conta a parroquia.

A andaina comezou sobre as 12:00 do mediodía, empezando pola visita a presa de Lapela, elemento regulador da auga que contribuíu durante moitos anos a darlle vida o millo e a súa transformación en fariña, para facer aquel pan tan importante na vida de fai uns anos. Continuamos visitando a Igrexa de San Xosé e a casa rectoral, magoa que a xente que se acerca a parroquia non poida ver en mellor estado a única casa señorial de Chandebrito, para cruzar o barrio da Igrexa e dirixirnos o petroglifo do Soeido, único en Galicia por estar integrado no que hoxe é unha corte, os nosos visitantes non daban creto a que alí dentro puidese haber un cervo gravado na rocha dunha das paredes do cortello.

A visita a petroglifos continuou polos do Rabete, Preghuntadouro, Chousiña, Rapadouro e Lapa do Piñeiro, facendo un alto entre eles para acercarnos o Outeiro do Ghanador, onde se contou a lenda ou historia da victoria de Chandebrito sobre Camos para conseguir o San Mamede, con outro pequeno alto na Chan do Rapadouro para que Fonso nos ilustrase sobre a importancia desta chan asolagada nos invernos, xa que conta con dous hábitats de interese comunitario.

Rematamos visitando a paraxe de interese natural da Fraga de Rodas, para polo camiño empedrado das Pereiras subir cara O Castro pasando polos muíños do Regueiro, onde puideron ver todas as pezas do muíño, aínda hoxe en día funcionando. Coroando o monte do Castro todos puideron gozar das belas vistas cara a ría de Vigo, aínda que polo tarde que se nos fixo, sobre as 16:00, a maioría da xente xa estaba desexando chegar os coches para poder empezar a comer e descansar no espléndido entorno das Chans.

Despedíndonos dos nosos agradables visitantes e agardando a súa próxima visita por esta pequena parroquia. Deixamos unhas fotos da andaina e o mapa para GPS que puxo en wikiloc o noso amigo Jesús, para quen queira descargala e gozar da andaina que fixemos.

Sendeiros con historia

2009-02-19T20:52:00.002+01:00

Patrimonio cultural, arqueolóxico e etnográfico e unha paisaxe inmellorable. Todo iso ofrece Chandebrito aos que se atreven a percorrer os quilómetros de distancia que separan esta parroquia das zonas máis turísticas do municipio de Nigrán. Por iso, dende a Concellaría de Turismo impulsaron un proxecto de revalorización deste recóndito lugar que se financia grazas ao plan europeo Proder II.

Continua no Faro de Vigo

Verteduras no Estripeiral

2009-02-16T21:07:00.013+01:00

O pasado domingo 8 de febreiro, nunha pequena ruta que fixemos dende a asociación descubrimos unhas verteduras na zona do Estripeiral, baixando cara a Fragoselo nun camiño que se interna cara uns pastos, moi cerca da estrada, de latas plásticas nunha cantidade cércana a trintena, estando a maioría delas cheas de aceite.

O día 11 puxémonos en contacto coa consellería de medio ambiente de Nigrán para que procederan a retirar os residuos contaminantes, levándose a cabo o día seguinte a súa retirada, aínda que parte do dano xa quedou feito no entorno pois cando tiraron os bidóns esparexeuse aceite polo solo, quedando este afectado.

A magoa ten sido non haber collido o desgraciado que cometeu este atentado contra ou medio, pois o aceite usado de coche contén unha serie de hidrocarburos que non son degradables bioloxicamente que destrúen o humus vexetal e acaban coa fertilidade do chan, contén así mesmo unha serie de substancias tóxicas como o chumbo, o cadmio e compostos de cloro, que contaminan gravemente as terras e ademais vai reforzada pola acción dalgúns aditivos que se lle engaden que favorecen a súa penetración no terreo, podendo ser contaminadas as augas subterráneas.

Deporte base en Chandebrito

2009-02-09T20:02:00.017+01:00

Este fin de semana a parroquia viviu dous importantes acontecementos dentro do deporte base, o primeiro foi a maña do sábado onde uns 700 escolares participaron no Campionato Provincial Escolar do que saíron os equipos que participarán no Campionato Galego que terá lugar o próximo mes de febreiro en Pontevedra.

En benxamín feminino a gañadora foi Iria Rodríguez Huertas, do Club de Atletismo de Porriño, cun tempo de 2.39.9.

En benxamín masculino o gañador foi Javier Costa Rodríguez, do Suárez Marquiez cun tempo de 2.35.4.

En alevín feminino a gañadora foi Sandra Rodríguez Freiría, do Val Miñor, cun tempo de 6.12 5.

En alevín masculino o gañador foi Miguel Otero Rey, do Atletismo de Cuntis, cun tempo de 6.54.7.

En infantil feminino a gañadora foi Genny Fernández Massó, do Val Miñor, cun tempo de 6.59.5.

En infantil masculino o gañador foi Joaquín Riveiro Fernández, do San Narciso de Marín, cun tempo de 8.04.7.

En cadete feminino a gañadora foi Raquel Rodríguez Casaleiro, do Samertolameu, cun

tempo de 12.24.1.

En cadete masculino o gañador foi Damián González Fernández, do Atlético de Cangas cun tempo de 14.48.06.

O segundo acto deportivo da parroquia tivo lugar o domingo pola maña no campo de fútbol co encontro entre o Coruxo e o Chantada, pertencente a categoría galega de xuvenís co resultado final de Coruxo 0 - 2 Chantada

Peque-ruta da asociación cultural O coto

2009-02-08T20:53:00.002+01:00

O vindeiro domingo 15 de febreiro a asociación será colaboradora da peque-ruta do mes de febreiro organizada pola asociación cultural O coto, destinada os mais cativos e as súas familias, na parroquia de Chandebrito.

A saída será as 11:00 da maña do colexio publico O Carballal e empezaremos a camiñar no Castro de Chandebrito sobre as 12:00 do mediodía, a ruta etnográfica que terá unha lonxitude aproximadada de 6 km, transcorrera polos lugares de maior interese patrimonial e natural da nosa parroquia. A ruta será guiada por Carlos Gomez secretario da nosa asociación e Afonso Rodríguez coautor do libro “Historia de Chandebrito”

Chandebrito nos medios: Segunda fase de saneamento en Chandebrito

2009-02-08T20:34:00.002+01:00

A Consellería de Medio Ambiente destinará un total de 660.808 euros para levar a cabo a segunda fase das obras de saneamento na parroquia de Chandebrito, en Nigrán.

Seguir lendo na Voz de Galicia

Curso práctico de cesteria

2009-01-16T19:38:00.004+01:00

A Asociación Veciñal e Cultural “Chandebrito 1807” oferta un curso práctico de cestería que comezará o próximo sábado día 7 de febreiro, para que calquera persoa interesada poida aprender a confeccionar artesanalmente todo tipo de cestas con vimbios ou outros materiais. Para elo, pódese obter máis información ou inscribirse no teléfono 620097930 ou escribindo un correo electrónico ao enderezo chandebrito1807@gmail.com

Esta Asociación considera que este é un aspecto interesante do mundo rural tradicional e desexa promover con esta iniciativa a posta en valor dos oficios tradicionais e que non se perda esta parte da cultura galega.

Novo centro en Nigrán da rede de dinamización da sociedade da información

2009-01-14T13:50:00.003+01:00

O concello de Nigrán ven de inaugurar este luns 12 de xaneiro de 2009, en colaboración coa Consellaría de Innovación e Industria un novo Centro de Dinamización da Sociedade da Información , que se sitúa na Rúa Curros Enríquez, no 3, baixo, enfronte do colexio Humberto Juanes.

Compoñen o equipamento da aula quince ordenadores, con lectores de DNI e cámaras web, 2 impresoras, un proxector, unha cámara de fotos dixital e un escáner. A configuración do equipamento é totalmente en software libre, ademais contara cunha técnica para resolver e achegar a poboación as Novas Tecnoloxías. O novo centro tamén acollerá diversos obradoiros de índole tecnolóxica variada, como poden ser de iniciación á Internet, á Informática ou a outras ferramentas.

Para que toda aquela xente da parroquia que este interesada en iniciarse nas novas tecnoloxías, resolver dubidas que nos xorden co seu uso ou mesmo ter un local onde poder facer traballos e consultar información equipado co equipamento axeitado, esta e unha gran oportunidade para meterse de cheo no mundo das tecnoloxías, tan necesarias hoxe en día.

O horario de funcionamento do centro será o seguinte:

-Luns a xoves: de 10:30 a 14:00 horas e de 16:00 a 20:30 horas.

-Venres: de 9:30 a 15:00 horas.

Todas as persoas que desexen máis información poden solicitala no teléfono: 986366765.

Chandebrito nos medios: O longo dos anos

2009-01-01T12:00:00.010+01:00

Coa chegada dun novo ano dende a asociación queremos deixarvos un pequeno agasallo, cun pequeno traballo feito para recompilar os titulares aparecidos nos medios de comunicación da bisbarra, Faro de Vigo, Atlántico Diario ou a Voz de Galicia, no período comprendido entre 1953 e 2008, onde Chandebrito aparece directamente como centro da nova ou dunha forma indirecta aínda que relacionado coa nosa parroquia.

Pulsar na foto para descargar o arquivo

Sendo o primeiro titular do que temos constancia do ano 1953 para constatar o inicio dos traballos de electrificación en Chandebrito, deixamos un pequeno extracto da nova “Parece ser que la parroquia de Chandebrito, única de este termino que esta sin electrificar, lo va a ser muy pronto, púes ya se acometieron algunos trabajos. Pero como la medida es muy importante, los vecinos se desesperan dada la lentitud de los trabajos, debían acelerarse tales trabajos para que esta simpatica parroquia tenga los beneficios de que ya gozan las demás.”, non tendo constancia ata finais dos 70 da seguinte, cun pequeno incremento ata os anos 2000 onde xa empezan a aparecer bastantes novas.

Co remate do ano 2008 demos por concluído momentaneamente este traballo, a espera de ir recompilando a dos vindeiros anos e encontrar algunhas novas anteriores o citado ano, pois sempre se escapan algunhas, polo que se coñecedes algún titular que se nos escapou podedes facérnolo chegar a través do correo electrónico, para a ampliación do traballo. Que vos guste e feliz ano 2009

Chandebrito nos medios: Unha parella, atemorizada por ameazas

2008-12-25T19:14:00.004+01:00

Un matrimonio da parroquia de Chandebrito, en Nigrán, vive atemorizado polos seus veciños. O seu coche apareceu en chamas durante a pasada madrugada dentro do galpón anexo á súa vivenda. Foi a última ameaza que tiveron que soportar, cando aínda non se borrou do muro da súa casa a pintada na que se pode ler «Gora ETA, ides morrer».

Seguir lendo na Voz de Galicia

Chandebrito nos medios: Pendente o macro xuizo polos altercados veciñais

2008-12-18T20:54:00.006+01:00

Sete años despois dos incidentes veciñais ocorridos en Chandebrito, o xuízo, que sentará no banco a 37 imputados está a espera dun sinalamento. Xa se deu traslado as defensas para os escritos de cualificación duns feitos que suporán o primeiro ’macro xuízo’ que se celebra en Vigo.

Seguir lendo no Atlántico Diario

Propostas o alcalde para a mellora do transporte

2008-12-18T09:31:00.001+01:00

O tema da xestión para a mellora do transporte publico en Chandebrito ven sendo unha das nosas prioridades o longo do ano 2008, e terá que seguir sendo o longo do 2009 visto o lento que avanza o tema. Dende a asociación levamos presentados multitude de escritos no concello de Nigrán e na dirección xeral de transportes da consellería de política territorial, ademais de varias reunións con ambas entidades para tratar este asunto, avanzando ben pouco ata o momento.

Pero coñecendo que a consellería de transportes xa entregou o concello a proposta de convenio para por en marcha o plan de transporte metropolitano da area de Vigo, vimos de ter unha ultima reunión co alcalde o xoves día 11 de decembro para tratar exclusivamente o tema do transporte en Chandebrito, a onde acudimos cunha serie de propostas, que de adoptarse algunha delas ou todas no seu conxunto, serviría para paliar o deficitario servicio de transporte que temos hoxe en día.

Despois da reunión mantida, parece que o concello intentara por solución adoptando algunha das propostas que presentamos, esperamos que así sexa e non teñamos que chegar o ano 2010 sen un servicio de transporte adecuado para a nosa parroquia.

Instalación do repetidor de TDT nas Rozadas

2008-12-10T20:38:00.002+01:00

A asociación leva practicamente un ano intentando que se poña o repetidor de TDT nas Rozadas pois coa chegada do apagado analóxico os barrios de Pracins e Rozadas quedaran sen televisión, polo que consideramos moi importante acometer canto antes a instalación de dito repetidor.

Despois da presentación dunha primeira solicitude no concello en xaneiro e que posteriormente en sesión plenaria do concello tomouse por unanimidade o acordo de “dirixirse á Secretaría Xeral de Comunicación instándoa a que a próxima resolución de subvencións para a cobertura do sinal TDT cubra o 100 % dos gastos necesarios, garantido a cobertura do 100 % da poboación do Concello de Nigrán antes do 31 de decembro de 2008”.

Polo tanto a punto de rematar o ano 2008 sen ningún cambio, voltamos a presentar unha nova solicitude ante o concello para que a maior brevidade posible se realicen as xestións, para a instalación do repetidor, para que os barrios de Pracíns e As Rozadas poidan dispor por fin da TDT.

Chandebrito nos medios: Chapuza en Chandebrito

2008-11-27T09:38:00.002+01:00

Esnaquizar ao redor de 200 metros da rede de evacuación de augas pluviais é última actuación polémica que leva a firma da comunidade de montes de Chandebrito, en Nigrán.

Esta entidade xa arrasou o ano pasado unha vía romana que atravesaba o centro da parroquia logo de cubrila con cascallos procedentes das obras de saneamento para facer máis ancho o acceso.

Seguir lendo na Voz de Galicia

Limpeza das pistas forestais

2008-11-14T12:34:00.005+01:00

Despois de recibidas multitude de queixas por parte da veciñanza e visitantes pola existencia da densa maleza que invade camiños forestais da parroquia, establecemos contacto coa delegación de medio rural para que se ordene a realización de traballos de roce da vexetación das marxes do camiños, ou, no seu caso, que se lle requira á Comunidade de Montes Veciñais en Man Común de Chandebrito, como propietaria dos terreos, para que o faga; de conformidade ao establecido na Lei 3/2007 de prevención de incendios forestais.

Pola seguridade das persoas que transitan por eles e para organizar mellor o combate do lume e tamén salvagardar os investimentos forestais dos propietarios dos montes da zona, sería necesario rozar as marxes dos seguintes camiños forestais:

* Camiño da Rúa do Torreiro (Chandebrito) ao parque forestal de Vilar (Camos), ata o cortalumes que separa as dúas parroquias, situado nos montes de “Sanomedio”.

* Camiño Chans de Rapadouro, dende o Colexio concertado “Estudio”, uns 500 m. en dirección norte, así como o entorno do citado colexio, nos montes de “Sanomedio”.

* Presa dos Soldados cara Coruxo e entorno do petroglifo “As Ventaniñas” (considerado BIC), no monte “Sanomedio”.

* Pista da Lapela, que comunica o barrio Igrexa co monte Alba en Valadares (tramo dende a presa da Lapela ata a entrada nordeste da canteira), no monte “Regamán”.

* Camiño Alto das Rozadas – A Lama, paralelo ao estrada de enlace coa autoestrada AG 57 “Puxeiros–Miñor”, no monte “Rozadas” (entre as parroquias de Chandebrito e Camos).

Reunións co alcalde

2008-11-11T10:29:00.002+01:00

A asociación leva mantidas varias xuntanzas co alcalde de Nigrán (a última tivo lugar o 10 de setembro), nas que se expuxeron os seguintes puntos:

- Reclamar ante a Deputación a mellora da seguridade viaria da estrada Vincios a Nigrán ao seu paso por Chandebrito (coa execución do proxecto de mellora da mesma); así como a xestión conxunta coa concellería de Vías e Obras para a dotación de capa de rodadura do camiño de Lapela (para a comunicación con Valadares) e dun tramo de 600 m. na Rúa das Rozadas.

- Execución da 2ª fase da rede xeral de sumidoiros para as vivendas da Rúa das Tomadas, parte alta da Rúa das Laxes, Rúa da Barreira, Rúa das Rozadas e parte alta da Rúa da Igrexa (contestounos que se comezarían as obras a principios do ano 2009)

- Xestionar ante a Dirección Xeral de Transportes da Xunta a mellora do transporte público por estrada e ter mellores comunicacións con Vigo (apuntando a posibilidade da ampliación do autobús urbano núm. 29 de Vigo, que chega a Fragoselo, dentro do transporte metropolitano da área de Vigo)

- Información do proxecto de recuperación do Río Muíños dende o seu nacente en Chandebrito

- Convocatoria de subvencións para actividades socio culturais no ano 2008

Chandebrito nos medios: A cabaza xigante

2008-11-06T10:37:00.005+01:00

Unha cabaza xigante creceu no alto dunha viña. Non é ciencia ficción. Ocorreulle a un veciño da parroquia de Chandebrito, en Nigrán. Manuel Gómez Costas non sae do seu asombro cando observa a descomunal hortaliza que pesa ao redor de 50 quilos.

Viuna crecer durante os últimos meses sobre unha parra na entrada da súa vivenda e xamais se puido imaxinar que chegase a alcanzar semellantes dimensións.

Continua na Voz de Galicia

Tamén no Faro de Vigo

Fontes de Chandebrito

2008-11-05T10:28:00.004+01:00

Nos últimos meses véñense de realizar unha serie actuacións no rico patrimonio de fontes do que conta Chandebrito, coa solicitude a empresa Novo Contorno, S.L. encargada do inventario das fontes a que inclúa no catalogo tres delas que non aparecen como son a fonte Nova, a fonte do Regueiro e a Fonte do Cocho para que se comunique á empresa Lema y Bandín, encargada da recollida e análise das mostras das augas das fontes do municipio semestralmente, así como a proceder á colocación de placas indicadoras coa potabilidade das súas augas, similares ás colocadas no ano 2005 – 2006.

Enviamos unha relación das cinco fontes de auga de uso público localizadas en Chandebrito que necesitarían de pequenas actuacións de mellora, polo que solicitamos na consellería de Vías e Obras que se faga unha valoración do estado de conservación e, no seu caso, que se proceda á realización das melloras necesarias nas seguintes fontes:

- Fonte do Cocho de Abaixo

- Fonte de Juan ou da Penís

- Fonte Nova

- Fonte do Regueiro

- Fonte dos Piollos

E por ultimo temos aumentado o patrimonio de fontes, suman xa catorce as fontes de auga de uso público, dende o pasado mes de marzo coa iniciativa para a reconstrución dunha fonte de auga para o uso público, no mesmo lugar no que antigamente existía a Fonte do Cocho de Abaixo (Pracíns), fonte que desapareceu hai xa moitos anos.

Verquidos nos montes de Chandebrito

2008-10-31T11:08:00.002+01:00

O día que celebramos a xornada micolóxica, entre cogumelo e cogumelo encontromos unha desagradable sorpresa, como son uns recentes verquidos de residuos en diversos puntos do monte “Regamán”, propiedade da Comunidade de Montes Veciñais en Man Común de Chandebrito, localizados na parte Este da canteira de Lapela, preto das marxes da pista forestal que comunica o barrio da Igrexa co monte Alba (Valadares):

- Lugar da Costal / Lapela: verquido de roupas de traballo de obras (cascos, chalecos, pantalóns, botas, etc.) e de materiais de construcción (sacos de cemento); localizado entre a pista arriba mencionada e o camiño que ascende dende a presa da Lapela, a escasos metros da confluencia con aquela.

- Lugar da Lapela: verquido consistente en residuos procedentes de obras de demolición da construcción (ladrillos e cemento), na marxe esquerda da pista, a uns 500 metros da Estrada do Zondal (Valadares).

Polo que vimos de solicitar na concelleria de medio ambiente de Nigrán que se poñan en marcha os mecanismos pertinentes que determinen as responsabilidades no deterioro do entorno, ademais de dalo a coñecer o axente forestal da zona

Acondicionamento camiño dos Matos

2008-10-30T10:28:00.008+01:00

A asociación solicitoulle a consellería de turismo do concello de Nigrán que se dean as ordes oportunas para proceder aos traballos de acondicionamento do Camiño dos Matos, así como do entorno do Muíño dos Matos (do século XVIII), situado na Ruta de sendeirismo denominada “PRG 61 - CAMOS-PARADA-CHANDEBRITO”, xa que o citado camiño, duns 2 metros de ancho, e a sinalización e paneis interpretativos están invadidos pola maleza. Tamén observamos que a sinalización do sendeiro de Nigrán na entrada deste camiño dende a pista que sube da igrexa parroquial de Camos, que indicaba “Camiño dos Matos”, está moi deteriorado, polo que se roga a súa reposición.

Trátase dun sendeiro con conexións coas rutas GR 53, 58; PRG 9, 60; que parte da parroquia de Santa Baia de Camos, comeza a subida cara ao lugar das Rozadas, pasando por unha zona de muíños (muíños de Táboas e dos Matos, nomes que recibe o río Muíños ao seu paso por esta zona). Continúa a ruta cara á aldea de Pracíns e, de xeito ascendente, remata entroncando no parque forestal da PRG 60. Dende Pracíns sae a derivación PRG 61.1. ou Variante de Chandebrito, que pasa polo castro de Chandebrito - miradoiro sobre a ría de Vigo - e pola fraga dos Muíños de Rodas para enlazar outra vez co PRG 60.

Por outra banda, solicitoulle que fagan as xestións pertinentes para proceder á reposición da información dos paneis interpretativos instalados no ano 2001 no entorno do Castro de Chandebrito (1 panel) e do Muíño das Chans (3), situado a uns cen metros do castro; xa que a información que contiñan, hai meses que se estragou.

Xestións realizadas para a mellora da estrada de Pracins

2008-10-23T10:47:00.007+02:00

A A.V.C. Chandebrito 1807, congratulase de que, despois dunha dura loita por parte desta asociación, a Deputación de Pontevedra executase recentemente as obras de mellora dun tramo duns 6 Km. da Estrada Provincial Vincios – Nigrán, que estaba ata hai un par de meses en total estado de abandono; aínda así esta asociación presentou hai uns días unha solicitude na Deputación para que se melloren as curvas máis perigosas, xa que as obras non resolveron o problema fundamental da seguridade viaria.

Deixamos un listado coas principais xestións realizadas dende a asociación, para conseguir o arranxo da estrada de Pracins.

2007 denúnciase publicamente nos medios de comunicación o estado da estrada.

19/09/07 solicítase por escrito á Deputación o inicio urxente das obras de ensanche, pavimentado e sinalización do vial. Enviando de novo a petición o 14/11/07

10/01/08 mantense unha reunión co alcalde para pedirlle que reiterase ante o Presidente da Deputación a solicitude de mellora da estrada

15/01/08: reunión cos presidentes das AA.VV. de Vincios e de Camos para solicitar entre as tres asociacións o arranxo urxente da estrada, enviando dita solicitude o día seguinte.

14/03/08 solicítase por escrito á Deputación que se inicien urxentemente as obras de mellora da estrada, nun tramo de 6,24 KAS. (Salgueiro – A Cruz).

25/03/08 solicítase o bacheado da estrada de Pracíns, ao que accede a Deputación.

03/04/08 envíase novo escrito ao Presidente da Deputación esixindo que se comecen as obras e que se nos informe das xestións que realicen e dos datos do proxecto, contestando oito días despois que este ano se levará a cabo unha 1ª fase para mellorar o pavimento.

Maio do 2008 denúnciase publicamente o estado de conservación da estrada.

Tamén se falou en varias ocasións con deputados provinciais, o 30 de maio, o 2, o 4, o 30 de xuño, o 2 de xullo, etc.

O 5 de xullo, a Deputación anuncia que comezarán as obras en poucos días (empezando na seguinte semana).

Ademais, existen diversas publicacións nos xornais relativos a estas xestións:

- Atlántico, 25/01/08

- Faro, 26/01/08

- Faro, 29/01/08

- La Voz, 10/02/08

- Foro Metrop., Feb. 2008

- Atlántico, 01/06/08

- La Voz, 03/06/08

- La Voz, 05/07/08

I xornada micolóxica de Chandebrito

2008-10-21T10:55:00.012+02:00

Dende a asociación estamos moi contentos coa resposta que tivo a celebración este Domingo da primeira xornada micolóxica de Chandebrito, pois aínda que a participación, en torno a vintena, non foi abundante, en parte debido a nula difusión que nos deron os medios de comunicación, conseguimos que a xente presente aprendese un pouco e disfrutase moito sobre o mundo micolóxico guiados pola man experta de Jose Luís Tome, o que dende aquí damos as gracias pola súa disposición para que todo saíse adiante.

A xornada comezou as 11:00 cunha pequena introdución a cargo de Jose Luís Tome para pornos en marcha de seguido, dende o monte dos cruceiros partimos, para ir pasando pola de Penis, Casa de Couso, os Arrocheiros ou Outeiro do Pendo Redondo, converténdose este primeiro tramo nun pequeno paseo, pois de cogomelos nin rastro había.

E de repente empezan a aparecer os primeiros cogomelos, as primeiras dubidas e as oportunas explicación por parte de Jose Luís a cada novo cogomelo encontrado, empezando os cestos a encherse pouco a pouco, iamos continuando o noso camiño polos Aporteales, Castro Lapela ou o Costal.

Cos cestos xa case cheos de cogomelos, aínda que por desgraza moi poucos deles comestibles, demos por rematada a camiñata para de seguido pasar a descubrir mediante unha pequena exposición que tipos de cogomelos eran os recollido. Esta segunda parte da xornada foi moi didácticas pois fomos aprendendo a recoñecelos cogomelos recollidos, entre eles estaban os comestibles coma o boletus, a macrolepiota ou algún champiñón e os cogomelos mais vistosos pero carentes de valor culinario coma as caloceras, os lycoperdon as psilocyde ou as russulas.

Rematando cara as 14:30 a xornada con poucos cogomelos listos para pasar polo fogón, pero con moitos vistos, bastante aprendido e moi ledos todos do inicio no fascinante mundo da micoloxía, quedando moito por descubrir para próximas edicións.

Se queredes ver o resto das fotos da I xornada micolóxica de Chandebrito premede sobre o enlace

I xornada micolóxica de Chandebrito

2008-10-17T16:36:00.003+02:00

A Asociación Veciñal e Cultural “Chandebrito 1807”, coa colaboración da Federación Galega de Micoloxía, organiza para o vindeiro domingo dia 19 de outubro ás 11:00 da mañá, no Monte dos Cruceiros (na entrada do Castro de Chandebrito), a primeira xornada de micoloxía de Chandebrito, na que o presidente da Federación, Jose Luis Tomé, introducirá aos participantes no mundo dos cogomelos e de onde se partirá ao monte para a recollida destes. Tamén se repartirán uns cadernos e ao final exporanse os cogomelos recollidos para que o experto fale das características de cada unha das especies.

Servicio de transporte público

2008-10-15T10:20:00.006+02:00

A Asociación Veciñal e Cultural “Chandebrito 1807” está tratando de conseguir un axeitado servizo de transporte público para a parroquia de Chandebrito, no concello de Nigrán, dentro do servizo de transporte da área metropolitana de Vigo; polo que xa leva presentado diversas solicitudes ante o Concello de Nigrán e a Dirección Xeral de Transportes da Xunta, ademais de entrevistarse co alcalde, concelleiros e delegada provincial da Consellería de Política Territorial, O.P. e Transportes.

Plantexando, entre outras, a posibilidade de que se realice unha ampliación do recorrido do autobús urbano núm. 29 dende Fragoselo (Coruxo) ata Chandebrito, xa que ambos puntos distan entre si uns 3 quilómetros (a maioría da poboación desprázanse a Vigo continuamente por motivos laborais, comerciais, sanitarios, etc.) e a veciñanza cre que é a medida máis axeitada para atender ás súas necesidades.

Recuperación da toponimia

2008-10-14T11:09:00.007+02:00

A Asociación Veciñal e Cultural “Chandebrito 1807”, está levando a cabo diversos traballos para a recuperación de topónimos menores (nomes de lugares da parroquia de Chandebrito) co fin de contribuír non só a que non desaparezan, senón a que se fomente o seu uso, xa que o considera unha parte moi importante do patrimonio cultural inmaterial desta parroquia. Preténdese que o remate dos traballos e as publicacións estén listas a mediados do ano 2009.

Dentro do interese da asociación para conservar o rico patrimonio inmaterial como son os topónimos esta que as administracións públicas e algunha asociación recolleron algúns topónimos da zona, pero nunca se fixo un traballo serio neste aspecto, agás o que desenvolveu o Club Espeleolóxico Maúxo no ano 1997, cando recolleu uns 200 topónimos. Moita xente (incluso da zona) descoñece o nome dos lugares, e con este traballo favoreceríase a recuperación deste patrimonio cultural inmaterial, que corre o risco de perderse en poucos anos, xa que o último eslavón da sabedoría tradicional son a veciñanza de maior idade, e cando finen, con eles irá toda esa sabería, e entre ela os topónimos, algúns deles levan varios centos de anos dando nome aos lugares (así se constata en documentos como o Catastro da Ensenada, Escrituras de foros, etc).

Descrición do programa:

- Estudo dos 290 topónimos recollidos ata o momento por esta Asociación e clasificación.

- Recollida de máis topónimos consultando diversas fontes de estudo: tradición oral; datos catastrais; escrituras de compra – venta e herdanzas e outros documentos; etc.

- Elaboración de cadernos / folletos con cartografía, indicando o número de topónimo, curvas de nivel, cotas de altura, etc. así como a relación de topónimos por orden alfabética.

"Laxes 1952": Traballos para recuperación de topónimos: Imaxe do ano 1952 no que se pode contemplar o lugar das Laxes dende o Puntillón (cruce da rúa Chandebrito coa rúa Laxes). Tamén se observan os lugares de Santos Espritos, A de Por Costas, Xastal, As Cancelas, As Aléns...

Obras na parroquia

2008-10-08T11:09:00.005+02:00

A consellería de Vías e Obras de Nigrán, está desenvolvendo esta semana diversas actuacións de mellora na parroquia de Chandebrito, solicitadas pola Asociación Veciñal e Cultural “Chandebrito 1807”, tales como: mellora do terreo de xogo do campo de fútbol, dotación de pasos de peóns na Estrada de Chandebrito, reposición de pavimento de vías públicas (pista de Lapela, Rúa das Laxes e Estrada de Chandebrito, entre outras),etc.

Esta asociación presentara a finais do ano pasado unha solicitude dirixida a dita Concellería para que esta procedese á mellora das vías e da súa sinalización horizontal e vertical, as cales soportan un importante incremento de tráfico e dispoñen de escasas medidas de seguridade viaria.

Bibliografía

2008-10-06T11:38:00.007+02:00

Para todos e todas que queiran informarse mais polo miúdo sobre Chandebrito, imos a deixar unha lista con toda a bibliografía que hai dispoñible a día de hoxe sobre a parroquia. Desexando que pouco a pouco a bibliografía vaia aumentando con novas publicacións e contando coa vosa colaboración en caso de que coñezades algunha publicación sobre a parroquia que non apareza na lista.

* Nigrán, perla de la costa mágica (Centro de Iniciativas Turísticas Val Miñor, ano 1978)

* Historia da comarca do Val Miñor (Salvador Fdez. de la Cigoña, 1995)

* Raíces de Nigrán (Fco. Javier Costas Goberna, J. M. Hidalgo e outros, 1996)

* Rutas e sendeiros de Nigrán (Cabana e outro, 1997)

* Historia de Chandebrito (Club Espeleolóxico Maúxo, 1997)

* Nigrán, memoria dunha guerra: 1936-1939 (Juan González, 1998)

* O Folón e outras covas do sur de Vigo (Clube Espeleolóxico Maúxo, 2004)

* Revista de Estudos Miñoranos nº 4: Os muíños de Chandebrito (Carlos Gómez, 2004)

* Revista de Estudos Miñoranos nº 5/6: Vinte e cinco anos (Carlos Gómez, 2006)

* Chandebrito, lembrando imaxes do pasado (Carlos Gómez. A.VV. de Chandebrito, 2005)

* O Voceiro de Chandebrito núm. 1 (C. Gómez, A.V.C. Chandebrito 1807, ano 2008)

Localización de Chandebrito

2008-10-02T10:33:00.019+02:00

Aínda que a maioría da xente que nos visite xa coñecen a localización de Chandebrito, ven por vivir na parroquia ou por acercarse por ela cada certo tempo, creemos que pode ser moi interesante que a xente que aínda ten por descubrir este anaco do Val Miñor, poida saber onde queda situado e polo tanto acercarse a darnos unha visita.

Ver mapa máis grande

Chandebrito queda encadrada na ribeira sur da Ría de Vigo, forma parte do concello de Nigrán. É un lugar de paso entre os dous vales que domina, o Val do Fragoso e o Val Miñor, o que pertence. Ten unha extensión de aproximadamente 5.8 km2, sendo os seus lindes polo oeste e suroeste con Camos, o este e sureste con Vincios e polo lado Norte e Nordeste con Coruxo e Valadares. Formando os lindes naturais os montes Mauxo, Alba e Castelo.

Para rematar a asociación deixá como agasallo unha foto do ano 1949 realizada nun voo aéreo da compañía americana C.E.T.F.A. (Fonte: Servizo de Cartografía da Xerencia de Urbanismo do Concello de Vigo. Publicada no libro "Chandebrito, lembrando imaxes do pasado", realizado por Carlos Gómez para a Asociación Veciñal de Chandebrito no ano 2005) para que vexades a diferenza coa inicial do google maps.

O voceiro de Chandebrito

2008-09-30T17:10:00.016+02:00

O pasado mes de Xullo dentro da labor para dar a coñecer a nosa parroquia, levamos a cabo a publicación da primeira revista de información xeral da parroquia de Chandebrito, baixo o nome de “O Voceiro de Chandebrito”. Este é o primeiro número dun boletín que se pretende facer anualmente. Para elo, esta asociación quere contar coas aportacións da xente interesadas, podendo enviar ao correo electrónico cmchandebrito@yahoo.es tódalas suxerencias, queixas, colaboracións, etc.

Editáronse case mil exemplares a toda color, que van distribuídos gratuitamente por toda a parroquia de Chandebrito, así como polas dos municipios de Nigrán, Vigo, Gondomar, etc., para que os colexios, centros culturais, asociacións, empresas, veciños e veciñas destas coñezan mellor esta parroquia, e tamén para contribuír á difusión non só das noticias da mesma, senón tamén da súa historia e cultura.

Dado que a súa acollida a día de hoxe foi todo un éxito e non nos quedan exemplares imos pendurar o voceiro do blog, para que os interesados ou interesadas en poder léelo e aínda non dispoñen del o poidan descargar (para facelo premer sobre a imaxe do voceiro).

O voceiro divídese nas seguintes seccións: editorial (resume das actuacións da asociación); actualidade; cultura; varios (con fotos comparativas do que foi e o que é a parroquia, o que ocorreu nela anos atrás, enquisas, orixe de nomes e apelidos...); deportes; entrevista e “a última” (guía de servizos, humor, etc.).

Benvida da asociación

2008-09-29T18:28:00.015+02:00

Fai algo mais dun ano daba comezo a andaina da asociación Chandebrito 1807, foi o día 1 de xullo de 2007 cando naceu a asociación conformada por Silvia Costas (presidenta), Patricia Gómez (vicepresidenta), Carlos Gómez (secretario), Jorge Costas (tesoureiro) e Josefa Romero (vocal), e co apoio de varios veciños e veciñas, co fin de contribuír a que se dote á parroquia de Chandebrito das melloras necesarias en obras e servizos e de loitar pola conservación e posta en valor do patrimonio cultural e natural de que dispón esta parroquia que, ata hai pouco tempo, sufriu diversos ataques en petroglifos e incluso o emblemático Castro, sufriron danos de consideración, así como o medio ambiente en lugares próximos a este.

Dende o inicio da nosa andaina, elaboramos informes e realizamos un extenso traballo onde se recolleron 38 bens culturais non inventariados, documentos entregados hai uns meses na Consellería de Cultura e no Concello de Nigrán para a súa protección. Así mesmo, está previsto realizar unha labor educativa para que as futuras xeracións sexan o máis conscientes posibles de que hai que respectar ese patrimonio. Tamén se realizaron trípticos co roteiro histórico da parroquia e solicitouse a condición de Ben de Interese Cultural para o Castro.

Consideramos transcendental a elaboración dun PXOM de Nigrán dentro do máximo respecto a ese patrimonio, para o cal esta asociación estará presente no Consello Sectorial, para o que xa recibiu asesoramento.

Hai diversos asuntos que se deben resolver axiña, xa que son moi necesarios para todo o pobo, e así llo expuxemos ao alcalde e concelleiros en varias reunións, ademais de dirixirnos á Xunta e á Deputación Provincial, como son: viais a mellorar (estrada de Pracíns, rúa das Rozadas, pista de Lapela e sinalización da estrada de Chandebrito e dos límites da parroquia); mellora do transporte público (solicitando a ampliación do percorrido do bus urbano nº 29 de Vigo); construción da rede de sumidoiros para Tomadas e Rozadas e completar o das Laxes, Pracíns e Igrexa; control da velocidade excesiva na Rúa das Laxes; solicitude de recollida de vertidos en varios puntos; reordenación de colectores do lixo; instalación de canles dixitais no repetidor de TV das Rozadas; son entre outras, as solicitudes presentadas

Así a partir de hoxe co inicio deste blog pretendemos crear un punto de comunicación e difusión das novas e información de interese da nosa parroquia, para os nosos veciños e veciñas, pero tamén para a xente de fora da parroquia que gusta dela, pero resúltalles mais complexo coñecer as novas.

Contamos con todas as persoas que vos animedes a lernos e participar para entre todos e todas conseguir que a parroquia de Chandebrito sexa un lugar que conte con servizos que hoxe en día aínda carece ou están deteriorados e sobre todo un lugar máxico, onde se manteña a salvo o noso gran tesouro que é o patrimonio cultural e natural.