Xestionamos reparacións e melloras en varios viais públicos

A Asociación Chandebrito 1807 realizou nas últimas semanas diversas xestións para a reparación e/ou mellora de viais públicos da parroquia:

- Xestionamos con persoal do Concello de Nigrán a reposición de diversos espellos estragados na Estrada de Chandebrito e na Rúa das Laxes, o que quedou realizado hai semanas.

- Tamén se lles pediu o arranxo das tuberías de augas pluviais situadas entre a vivenda núm. 31 da Rúa das Tomadas e o lugar da Devesa, no barrio das Tomadas, xa que a auga circula por enriba da pista de terra facéndoa intransitable.

- Requerimos da empresa Nature, adxudicataria da obra de Mellora da rúa da Igrexa e ampliación de saneamento, reparacións e melloras da actuación executada hai meses (recolocación de sinais, tomado de xuntas con cemento, posta en rasante de adoquinado de pedra, reposición de muros, mellora de cunetas, arranxo de arquetas de augas de regadío e de arquetas de saneamento da rúa da Igrexa, etc.). Nestes días procederon a iniciar os traballos oportunos.

- Solicitamos á Parroquia Eclesiástica que procedan a reparar o muro de contención de terras da finca de súa propiedade situada por baixo da igrexa parroquial, así como a retirada dunhas pedras de grandes dimensións caídas do citado muro hacia o camiño de Cordiñas, xa que impide o paso por este vial público e causa perigo para as persoas por novos desprendementos. Recibimos compromiso de arranxo nos próximos dias.

- Ademáis, nestes dias, estamos realizando a roza e limpeza de camiños de uso público que se atopaban con maleza en distintos lugares.

- Por outra banda, agardamos resposta do Concello de Nigrán ás diversas solicitudes que presentamos por rexistro, relativas á mellora da antiga escola infantil, roza e limpeza de camiños de titularidade municipal sobre os que nunca se actuou; arranxo da calzada da rúa da Barreira, da Rúa da Igrexa na contorna da igrexa parroquial, do camiño das Pereiras, e da Rúa das Tomadas entre os núm. 15 e 19, donde existen tuberías esnaquizadas á vista, entre outros viais.

Información sobre desestimación das alegacións ao orzamento de Nigrán 2026

Esta Asociación critica que o grupo de goberno do Concello de Nigrán, na comisión informativa celebrada o pasado 30 de marzo dictaminou desfavorablemente a alegación desta Asociación presentada para que se recollese unha partida no orzamento xeral para o exercicio 2026 para investir na antiga escola de Chandebrito, de titularidade municipal, que se usa por parte de dúas asociacións sen ánimo de lucro para actividades abertas ao público e tamén como local electoral, e que se atopa en mal estado de conservación tanto no interior como no seu exterior ao non ser obxecto de intervencións desde hai uns 20 anos.

Esta Asociación presentou diversas solicitudes por rexistro cando menos desde o ano 2015 para que se adoptaran medidas dirixidas a frear o deterioro deste inmoble, solucionar as eivas sinaladas, garantindo a seguridade, salubridade e accesibilidade, e así tratar de evitar os riscos para a poboación.

Este asunto de desestimación de reclamacións ao presuposto xeral levarase á sesión plenaria do vindeiro luns dia 6 de abril, e previsiblemente contará co voto a favor do alcalde e grupo do PSOE, que polo exposto, non parece ter interese en arranxar un ben municipal que causa mal aspecto e risco de danos ás persoas usuarias. O máis curioso é que o propio alcalde nos dixese hai pouco que estaban mirando de darlle cabida no presuposto, e que despois neste documento non se contemple nada para elo, o que demostra unha vez máis a falta de palabra e contradicións do mandatario.

Asi mesmo, esta Asociación critica que o Sr. Alcalde tilde á mesma de inoportuna e de tratar de poñer trabas á aprobación do orzamento presentando a citada reclamación a última hora, cousa que tampouco é certa. Este debería saber a estas alturas do seu vagaxe político que calquera asociación e veciño do municipio teñen dereito por lei a presentar reclamacións ao orzamento dentro do prazo de 15 días desde a publicación do acordo de aprobación inicial, cousa que fixo esta Asociación, e máis, entendendo que a administración local debería defender, conservar e arranxar os bens da súa titularidade con uso, como neste caso.