Obradoiro gratuíto de lingua de signos (II)

Esta agrupación convocou o segundo obradoiro de lingua de signos, que dará comezo o vindeiro luns dia 14 de febreiro en horario de 18:30 a 20:30 horas no seu local social, a antiga escola infantil de Chan de Brito.

Esta actividade desenvolverase tódolos luns desde o 14 de febreiro ata o 27 de xuño, ambos incluidos (un total de 20 xornadas de dúas horas cada unha).

Observaranse as medidas marcadas polas autoridaded sanitarias para a prevención de contaxios por coronavirus, Covid-19; recomendándose aos participantes que leven mascarilla axeitada (se algúen non leva poderase proporcionar unha á entrada o primeiro dia), e informamos que se ventilará o local convenientemente, disporemos de xel hidroalcohólico no acceso á aula -así como demáis material preciso- e cada un dos asistentes estará como mínimo a 1,5 metros de distancia entre sí.

Este obradoiro é completamente de balde, incluido o material didáctico necesario (principalmente fotocopias), pero cadaquén pode levar unha libreta para tomar notas, se o desexa. As persoas participantes poderán colaborar con esta Agrupación no que desexen, que iría destinado ao mantemento desta, do local social, e/ou a fins sociais.

As persoas interesadas poden obter máis información no teléfono 620097930 e as inscricións poderán realizaranse por whatsapp no mesmo número ou dirixindo un e-mail a chandebrito1807@gmail.com . Indicarán nome e apelidos, idade, núm. de teléfono e enderezo de correo-e.

Coa realización desta actividade, agardamos avanzar nos dereitos sociais de tódalas persoas, romper barreiras e a plena integración das persoas discapacitadas, ademáis de que os asistentes disfruten e que lles sexa útil.

Escudo da parroquia de Chandebrito

 

Axudamos a adecentar e rematar inmobles na parroquia

Esta Asociación apoiará e axudará na solicitude de subvencións para actuacións para a corrección de impactos paisaxísticos a aquelas persoas interesadas que teñan inmobles na parroquia de Chan de Brito.

As actuacións que poden ser obxecto de axuda son as seguintes:

- Tratamento de paredes medianeiras vistas, mediante cobertura con materiais de revestimento, pintado ou tratamento vexetal, adaptadas aos criterios da Guía de cor e materiais de Galicia (CGCMG).

- Revestimento e pintado de fachadas actualmente rematadas en ladrillo cerámico ou bloque de formigón sen revestir, adaptados aos CGCMG.

- Renovación do acabamento exterior das fachadas de edificacións (paramentos e carpintarías) que supoñan un impacto paisaxístico como consecuencia da tonalidade e/ou a intensidade da actual cor de acabamento, para substituílo por solucións adaptadas á GCMG.

- Remate exterior de cubertas realizadas con pranchas de fibrocemento, mediante a instalación ben de tella cerámica ben de lousa, en función do material tradicional da comarca, de acordo coas recomendacións da GCMG.

- Acondicionamento e mellora de peches de predios de gran dimensión (altura superior a 1,50 m.), mediante a substitución de muros opacos por solucións diáfanas ou sebes vexetais adaptadas aos criterios da Guía de boas prácticas de caracterización e integración paisaxística de valados (GBPCIPV).

- Revestimento de muros de cerramento de predios realizados con bloques de formigón, con fábrica de pedra semellante á cachatería tradicional, adaptada aos criterios da GBPCIPV.

- Substitución de celosías e outros tipos semellantes de pezas prefabricadas de cerámica ou de formigón, en cerramentos de predios, por solucións diáfanas ou sebes vexetais adaptadas aos criterios da GBPCIPV.

O prazo de solicitude remata o vindeiro luns dia 31 de maio, e poderase realizar a través da páxina web https://sede.xunta.gal/detalle-procedemento?codtram=MT402A 

Ademáis, esta Asociación concederá unha axuda complementaria no caso de que as persoas interesadas non poidan completar a obra cos seus medios, para poder rematar tellados, recebar ou pintar fachadas, portas, fiestras, etc.

Para maior información, poden contactarnos escribindo ao enderezo de correo-e chandebrito1807@gmail.com .

Propomos ao Concello de Nigrán unha ordenanza para a prevención de incendios

Desde a Asociación “Chandebrito 1807”, en relación coa prevención dos incendios, consideramos que o Concello de Nigrán precisa dunha ordenanza que regule diversas cuestións co obxectivo dunha eficiente prevención de lumes no territorio municipal.

O seu propio pleno aprobou no 2018, instar ao alcalde e goberno municipal a que se elabore un Plan Municipal de Prevención e Defensa Contra os Incendios Forestais; a elaborar un Plan de Emerxencias Municipal; e a exercer as obrigas contempladas no artigo 7 da Lei de Prevención e Defensa Contra os Incendios Forestais de Galicia.” Un ano despois elaborouse un plan de acción municipal fronte a lumes forestais, que é clónico e adolece de moitas cousas, e que en relación coa normativa cuxa adopción solicita esta Agrupación non ten máis que unha complementariedade.

O Concello de Ribadeo aprobou no 2018 unha ordenanza relativa á prevención de lumes e de limpeza de terreos que nos parece moi axeitada para a súa adaptación á nosa localidade en xeral e para a nosa parroquia en particular. Dada as características da zona e as consecuencias fatais dos terribles lumes de 2017, parécenos digna de tomar en consideración.

En Chan de Brito realizouse algunha actuación, pero considerámola insuficiente. O Concello de Nigrán debería avanzar xa no carácter preventivo dun xeito eficaz parar evitar as lamentables consecuencias do 2017. Por elo, no futuro máis inmediato, entendemos que se debe confeccionar urxentemente unha ordenanza rigorosa para poder previr incendios forestais e regular plantacións arbóreas, xerar obrigas de xestión da biomasa e os usos do lume en solo urbano, de núcleo rural e urbanizable alí onde a Administración Municipal debe exercer súas competencias.

Desde a concienciación pero tamén a firmeza, o Concello de Nigrán debe velar polo cumprimento da lexislación para que a veciñanza propietaria e, polo tanto, responsables das parcelas en núcleos de poboación habitados, se ocupen do seu mantemento, roza e limpeza como marca a Lei de Prevención de Incendios Forestais. Limpar estes espazos de especies pirófitas coma eucaliptos, acacias e piñeiros e substitución, se procede, de especies frondosas autóctonas e especies froiteiras.

Por iso, en abril de 2021 solicitamos por escrito ao Concello de Nigrán:

- Elaborar a ORDENANZA PARA A PREVENCIÓN DE INCENDIOS FORESTAIS E A SALVAGARDA DAS CONDICIÓNS DE LIMPEZA, ORNATO, SALUBRIDADE E SEGURIDADE DOS TERREOS POLA QUE SE REGULAN AS PLANTACIÓNS ARBÓREAS, AS OBRIGAS DE XESTIÓN DE BIOMASA E OS USOS DO LUME NO SOLO URBANO, DE N.R. E URBANIZABLE DO CONCELLO DE NIGRÁN, para a súa aprobación polo pleno municipal.

- O Concello ten que encamiñar con medidas incentivadoras para lograr este cambio e completala con axudas para repoboar estas franxas con especies frondosas autóctonas que cumplan unha función “bombeira”. Para isto debe abrirse unha partida económica específica e realizar unha convocatoria para a concesión dunhas axudas económicas a través da rebaixa no prezo e obtención de especies resistentes ao lume que os particulares poidan adquirir e plantar.

- O Concello porá en marcha un viveiro propio para levar a cabo esta acción nun futuro pero provisionalmente concertará e encargará a un viveiro da localidade a obtención da planta necesaria para a primeira fase.

- Facer unha relación dos particulares que por razóns de incapacidade, minusvalía física, económica ou suma delas, non poidan actuar; e asumir si se debe economicamente tanto a limpeza como as a plantación das especies a substituír ou incorporar.

- Indicar un Lugar Seguro nun punto non ingniscible, e que, ante a ausencia dun plan de emerxencias visible da Xunta de Galicia, sexa o propio Concello quen o realice, propondo desde esta Asociación que este lugar sexa a contorna do Colexio Estudio, nas Chans de Rapadouro.

Solicitude de convocatoria do Consello Sectorial do PXOM de Nigrán

No ano 2008 o Concello de Nigrán creou o Consello Sectorial do Plan Xeral de Ordenación Muncipal, órgano que segue a estar vixente, pero que desde hai uns dez anos só se convocou en contadas ocasións para ser informado de forma xeral polo goberno municipal, pero non para non para a participación efectiva, asesoramento, consulta, proposta, información e debate nas cuestións relacionadas con PXOM.

Tendo en conta o establecido no Regulamento orgánico aprobado o 28.05.2008 coa finalidade de regular este órgano para canalizar a participación da veciñanza na tramitación do referido documento urbanístico, a Asociación Veciñal e Cultural Chandebrito 1807 (que forma parte do mesmo) ven de solicitar ao Concello de Nigrán por escrito que se convoque o Consello Sectorial do PXOM para a participación efectiva, asesoramento, consulta, proposta, información e debate nas cuestións importantes relacionadas co Plan Xeral. 

Instamos ao Concello de Nigrán a reparar deficiencias en lugares públicos de Chan de Brito

No dia de hoxe, a Asociación Veciñal Chandebrito 1807 ven de solicitar por escrito ante o Concello de Nigrán que se realicen os arranxos e melloras oportunas en varios viais municipais da parroquia de Chan de Brito, amplamente solicitadas pola veciñanza e que teñen na maior parte dos casos a finalidade de evitar posibles danos e prexuízos aos usuarios das mesmas ao existir defectos que causan perigo.

En concreto, e de xeito resumido, as actuacións son as seguintes;

-  Corrección de fochas na rede de sumidoiros na Estrada de Chandebrito.

-  Modificar valo metálico e posta en rasante de muro localizados na estrada na Rúa da Igrexa 9

-  Arranxo de valo métálico na Estrada de Chandebrito, sito a uns 500 metros desde o límite con Coruxo

-  Adecuación de dous noiros ubicados na Rúa da Igrexa, que causan desprendementos.

-  Substitución dunha superficie de 140 m2 de asfalto por adoquinado de pedra na Rúa da Igrexa, entre os números 41 e 24, no lugar das Eiras, ao tratarse dun dos núcleos poboacionais máis antigos da parroquia e ao atoparse o pavimento actual moi deteriorado e con moitos parches de cemento.

-  Pintado de dúas marquesiñas nas paradas de bus ubicadas na Rúa de Chandebrito

-  Arranxo de camiño entre a estrada de Pracíns e o lugar do Horto.

-  Colocación de placas indicadoras estragadas dos viais municipais Camiño das Pereiras e Estrada de Chandebrito.

-  Arranxos na parcela municipal sita na R/ Igrexa núm. 2, na que se localiza a antiga escola e parque infantil: tellado edificación auxiliar, cancela e peche do parque, pintado de paredes, reparación do piso. Remitiuse memoria valorada das obras que se consideran máis necesarias, que ascenden a un importe total de 5.521, 23 € (IVE incluido).

Algunhas das actuacións citadas anteriormente, en especial a primeira e a última, trátanse de reivindicacións realizadas por esta Agrupación desde hai varios anos, xa que o estado de conservación das instalacións referidas é deplorable, sen que polo momento fosen atendidas polo goberno municipal.

Importantes fochas sobre a rede de saneamento na Estrada de Chandebrito

Barreira metálica perigosa por deficiencias graves na Estrada de Chandebrito a Coruxo

Muro e valo que causan importante risco de accidentes na Rúa da Igrexa 9

Deficiencias na cancela do parque da escola infantil, actualmente tirada no chan

Deficiencias no tellado de edificación auxiliar da escola infantil, con perigo por desprendemento de tellas

Deficiencias no peche do parque da escola infantil, con risco de caidas á vía pública desde gran altura

Novo ataque ao patrimonio cultural

Esta Agrupación formula nestes días denuncia ante a Garda Civil por un atentado ao patrimonio cultural da parroquia. 

Entre os días 15 e 21 de agosto unha persoa descoñecida ocasionou danos en placas de pedra indicadoras dos nomes de lugar (topónimos), colocadas nas vías públicas da parroquia de Chandebrito, danos consistentes en rotura e pintado de cor azul, co obxecto de ocultar a información que proporcionan as citadas placas. A valoración dos bens danados é de 450 euros.

Os lugares nos que se sitúan estes indicadores son: Rúa da Igrexa á altura do cruce coa Rúa da Barreira; Rúa da Igrexa á altura do número 43-45; e Estrada de Chandebrito na confluencia coa Rúa das Laxes.

Trátase dun atentado ao rico e interesante patrimonio cultural da zona (difundido en varios medios de comunicación a nivel local e autonómico, ademais de publicarse un libro ao respecto elaborado por dúas asociacións sen ánimo de lucro coa colaboración do Concello de Nigrán e a Deputación de Pontevedra, obra que se pode consultar na páxina web https://toponimia.xunta.gal/es/node/169 e https://www.nigran.es/wp-content/uploads/toponimia_chandebrito.pdf – páx. 3 a 10-).

Sospeitamos que se trata dalgún veciño desta parroquia e que os feitos poden continuar producíndose nos próximos días, xa que hai máis de 20 placas de pedra colocadas na referida parroquia.

Así mesmo solicitamos a apertura dunha investigación co obxectivo de determinar a persoa ou persoas responsable/s dos danos mencionados, a imposición das sancións que procedan, e a reparación dos danos para devolver os bens ao seu estado orixinal.

Desde esta Entidade non imos consentir que estas agresións queden impunes.

ESTAS SON ALGUNHAS DAS PÁXINAS WEB DE INFORMACIÓN RELACIONADA COA OBRA:

http://www.crtvg.es/tvg/a-carta/a-revista-fds-2413339 (entrevista grabada in situ e publicada no Telexornal A Revista Fin de Semana, da Televisión de Galicia, do 16/10/2016, minuto 23:16 ata 27:07, especialmente min. 25:50).

https://www.farodevigo.es/comarcas/2016/08/23/chandebrito-busca-nombres/1520062.html 

https://valminortv.com/2018/03/09/presentacion-do-libro-toponimia-de-chandebrito/ 

https://www.farodevigo.es/comarcas/2018/03/13/750-nombres-chandebrito/1853390.html