Veciños de Chandebrito descubriron fai uns días que unha vertedura de centos de pneumáticos localizados nas Chans de Rapadouro que foran recollidos recentemente pola Comunidade de Montes desta parroquia acabaron sendo incinerados no "Outeiro do Ganador" (situado detrás do Colexio Estudio ), no monte da Comunidade, na noite do mércores 29 ao xoves día 30 de abril, co conseguinte perigo por risco de incendio forestal e o dano irreversible para a fauna e a flora do lugar, así como o producido á atmosfera.
Ademais, obsérvase que para o transporte, depósito e queima dos pneumáticos movéronse algunhas pedras de grandes dimensións que colocara hai moitos anos a Comunidade de Montes na entrada do outeiro e que se incineraron no citado lugar pola noite para que ninguén se decatase do sucedido.
Estes feitos puxéronse inmediatamente en coñecemento da Concellería de Medio Ambiente do Concello de Nigrán, da Comunidade de Montes e do axente forestal da Consellería do Medio Rural, para que se investigue o asunto e se depuren as responsabilidades ás que haxa lugar, sen descartar a posibilidade de emprender accións legais contra este brutal atentado ao medio ambiente.
Tamén se pode ler a nova na Voz de Galicia e no Faro de Vigo
1 comentario:
Paréceme fenomenal que se denuncien este tipo de prácticas, xa que danan á saúde de todos.
Publicar un comentario